Olih : Ni Luh Putu Mira Suantari
Ring pasisi segarane
Akeh bias putih pada ngiterin
Matimpal kerang ring pasisi
Ngaenang pasihe sayan asri
Yeh segarane mewarna pelung
Sekadi warnan langit sane pelung
Katimpalin deburan ombak
Sane ngikis karang lan wewatuan
Kedis-kedis ring tengah segara
Pada girang saling mecanda
Ulam alit saling uberin
Pada liang saling engkebin
Angob pesan manahe ngatonan
Sehasa bareng girang nyaksiang
Kesiran angin ngulgul manah tiange
Setata ngaenang liang kenehe
